ഹേയ്

ബബിൾ-പൂ മൊട്ടുകൾ
തരും -റോബോട്ടുകൾ
നിലാവിൻ ട്രാക്കിലെ  -
പെരും തീവണ്ടിമേൽ

കുലുങ്ങും വട്ടുകൾ
പിരാന്തിന് തുട്ടുകൾ
മനസ്സിൻ മൂടിമേൽ
തിരിക്കും ചാവിപോൽ

പരാഗങ്ങൾപോലെന്നെ മൂടുന്നു ദേ
കനംകൊണ്ടു താഴെക്ക് വീഴുന്നു ദേ
കിനാവെന്റെ മൂളേലു മൂളുന്നു ദേ
വരംപോലെ പിന്നെന്നെ താങ്ങുന്നു ദേ

ഹേയ് ...

കിറുക്കിൻ അംബരം
നിറച്ചും ഡ്രോണുകൾ
നിലച്ചോ  ഫോണുകൾ?
ചിരിക്കും പൈതലിൻ

തുറക്കും കോട്ടുവാ-
യ്ക്കകം ഗ്യാലക്സികൾ.
കുതിക്കും ജെറ്റുകൾ-
പറത്തും കൊറ്റിപോൽ!

പൂവിടും
വേരുകൾ ഇനി!
കാലുകൾ പറക്കാനൊരുങ്ങിടുന്നേ
തിരിഞ്ഞിടുന്നെ
മണൽ മുകളിൽ-
കടൽ പതിയെ പതിയെ
ആകാശങ്ങൾക്കുള്ളിലായ് തിര-
യാകെ മേഘകുമ്പിളായ്

ചുണ്ടുമ്മേൽ വാക്കുകൾ
ശലഭങ്ങൾ പോലെ ദേ !
ഉള്ളാകെ  ഉമ്മകൾ
മഴപോലെ ചോരണെ
നീയെന്റെ ഉള്ളുമൊത്തം
തൊട്ടതെപ്പം ?
എന്തെളുപ്പത്തിൽ
വന്ന -
ടക്കത്തിൽ
ഒരു കാരിയം പറഞ്ഞില്ലേ? ദേ
കുമിളകളായി നമ്മളും!